Celebridades que fixeron o Camiño de Santiago

Personaxes  históricos:

Foi o rei astur Alfonso II el Casto o promotor da primeira igrexa que albergou os restos do Apóstolo. Era o monarca reinante cando se produciu o descubrimento do seu corpo arredor do ano 829, feito que tivo lugar cando acudeu á chamada do bispo Teodomiro o cal descubrira unhas luces misteriosas e un sarcófago baixo as mesmas.

O primeiro peregrino ben documentado, no ano 951, foi o bispo francés Godescalco, que chegou a Santiago precisamente un 25 de xullo, día do Apóstolo. Fontes máis ou menos mitolóxicas, dan fe de que outro ser de lenda visitou a Santiago na súa tumba: O Cid, pero non se puido contrastar. De quen sí parece que hai constancia de que realmente chegou ata Compostela, é de San Francisco de Asís. 

No 1139, un clérigo francés escribe a primeira guía turística da historia, o Codex Calixtinus ou Liber Sancti Iacobi. Ésta conta ó detalle a súa peregrinación dende Roncesvalles ata Santiago, a modo dunha completa Guía do Peregrino con información sobre aloxamentos, gastronomía, recomendacións, arte, arquitectura, perigos do camiño e as diferentes rutas a seguir. Fíxose famoso a raíz  do seu roubo o día 5 de xullo do 2011.

Os Reis Católicos habilitaron albergues para os camiñantes, tal vez porque sabían o duro que era chegar, xa que peregrinaron á cidade por vez primeira no 1488 e, según din, acudiron outra vez no 1496 para agradecer ó Apóstolo a conquista de Granada.

Non obstante, o home que máis fixo por recuperar o Camiño, foi o cura de O Cebreiro: Elías Valiño, autor das coñecidas frechas amarelas que hoxe en día tódolos peregrinos usan para chegar a Santiago de Compostela.


Na actualidade:

Algúns dos personaxes famosos que nos últimos anos tamén fixeron o Camiño de Santiago son: Paulo Coelho (autor do libro El Peregrino de Compostela que se convirteu en todo un referente), Michael Douglas (actor), Shirley MacLaine (actriz que despois escribeu un libro coas súas vivencias ó longo do Camiño Francés) e Martin Sheen (actor que protagonizou a película The Way dirixida polo seu fillo Emilio Estévez). 

Outros peregrinos ilustres foron: Stephen Hawking (científico), Jon Kortajarena (modelo), Antonio Catalán (dono da cadena de AC hoteis) e Carlos Herrera (que leva trece anos facendo o Camiño). Hai moitos máis pero a maioría non dan o seu verdadeiro nome e procuran pasar desapercibidos.

As últimas películas sobre o Camiño de Santiago:

The Way (2010) - Colaboración entre Martin Sheen e o seu fillo Emilio Estévez.

Ó final do Camiño (2009) - Comedia española protagonizada por Fernando Tejero e Malena Alterio.

Saint Jacques... La Mecque (2005) - Comedia romántica francesa.

Americano (2005) - Comedia romántica protagonizada por Joshua Jackson e Leonor Varela.

Tres en el Camino (2004) - Documental español/inglés de corta duración.